ESKOLA KIROLA MARTXAN DA!

Gure eskolako LH 5. mailako taldea kirolen munduan murgilduta dabil eskola kirolari esker! Ikasturte honetan zehar, kirol ezberdinak probatzeko aukera izango dute, esperientzia berriak bizi eta mugitzeko modu dibertigarriak aurkituz.

Hockeyarekin hasi ondoren, orain Mahai Tenisari ekin diote gogotsu. Bizkortasuna eta zehaztasuna lantzen dabiltza eta ikasitakoa praktikan jartzeko aukera ere badute, beste ikastetxeetako taldeekin asteburuetan izaten dituzten topaketei esker!

Zorionak gure LH 5. mailako taldeari, kirol aniztasunarekiko eta ikasteko duten borondate horrengatik! Ea zein den probatuko duten hurrengo kirola!