HEMEN, NI NAIZ

Eskola txiki, gertuko eta familiarra izatea da arrakastaren eta ongizatearen gakoa.

Eskola hau ez da ikasteko toki bat soilik, familia giroko bigarren etxea da. Bertan, haurra maitatua, entzuna eta onartua sentitzen da, irakaslearekin duen konplizitatea zuzena eta gertukoa baita. Honi esker, ikaslea aske sentitzen da bere barnekoak adierazteko eta inoiz ez da bakarrik sentitzen.

Gainera, eskola honek baliabide zehatzak eskaintzen ditu harremanak eraiki eta zaintzeko, eta gatazkak konpontzeko, baloreen zaintza praktikan jarriz. Haur bakoitzak bere lekua bilatzen du, autonomiaz eta konfiantzaz haziz, kanpoko espazioak (basoa eta baratza) bere garapen pertsonalerako laborategi bihurtuz.

Laburbilduz, ikasle guztiak diren bezala onartuak izatea ziurtatzen du San Luisek, hazkuntza osasuntsu eta zoriontsu baterako espazio seguru eta familiarra eskainiz.