MUGIMENDU ASKEA

3 eta 6 urte bitarteko haur gehienek mugitzeko beharra dute: korrika egin, salto egin, igo, arrastaka ibili, biratu, oreka mantendu, objektuak garraiatu, eraiki… Izan ere, etapa honetan mugimendua mundua ezagutzeko eta, aldi berean, beren burua ezagutzeko moduaren parte da.

Mugimendu askeaz hitz egiten dugunean, haur bakoitzak bere gorputza eta dituen aukerak esploratzeko espazio seguru eta prestatuak eskaintzeaz ari gara, Betiere bakoitzaren erritmoa eta denbora errespetatuz. Ez da haiei besterik gabe egiten uztea; laguntzea, behatzea eta konfiantza izatea baizik.

Gure ikastetxean baditugu esplorazio hori sustatzen duten hainbat espazio. Salto Gela, gure psikomotrizitate-gelak, jarduera fisiko guzti horiek egiteko eta material ezberdinekin esperimentatzeko pentsatutako ingurunea eskaintzen du. Espazio honetan gorputza da protagonista nagusia, eta haur bakoitzak bere erronkak aurki ditzake.

Baratza ere badugu, gure baratzea, mugimendua eta aurkikuntza sustatzeko leku paregabea. Naturarekin, lurrarekin, landareekin eta material naturalekin harremanetan egoteak beste modu batean esperimentatzeko aukera ematen die. Naturak eskaintzen dizkigun elementuekin elkarreraginean aritzen dira: harriak, adarrak edo lurragarraiatu, zulatu, landatu, behatu, eraiki… Ekintza sinple horiek gorputza, koordinazioa eta autonomia jartzen dituzte jokoan.

Espazio horien helburua ez da haur guztiek gauza bera egitea edo emaitza berera iristea. Garrantzitsuena aukerak eskaintzea da, eta haur bakoitzari ahal duen neurrian bere kabuz esploratzeko aukera ematea.

Helduon zeregina presente egotea, segurtasuna bermatzea eta haien aurkikuntzetan laguntzea da, baina baita noiz pauso bat atzera egin eta esperimentatzen uzteko unea den jakitea ere.

Denbora, espazioa eta mugitzeko askatasuna ematea haien gaitasunetan konfiantza izatea ere bada. Izan ere, mugitzea munduaezagutzea, norbera hobeto ezagutzea eta, pixkanaka, egiteko eta izateko gai diren guztia aurkitzea ere bada.